الله يسامح كل من اشتغل ف مسلسل ابله نوره

مواطنه اماراتيه منقهره من مسلسل]ابله [/url]نوره‏
وهذا كان محتوى الموضوع:-

احب اطرح هالموضوع عن مسلسل أبلة نورة اللي أثار كثير من الجدل في المجتمع الإماراتي

وبما إني ماكنت من متابعين هالمسلسل في رمضان

الا اني كنت اسمع عنه وايد وشفت كم حلقة منه في الاعادة عقب رمضان

لأني مااحب احكم عالشي من خلال كلام اسمعه لازم اشوف بعيني

وبصراحة انقهرت وايد لأنه هالمسلسل مسوينه على أساس انه إماراتي

ويجسد حال طالبات ومدرسات الإمارات

هالكلام أنا مايبته من راسي هذا كلام المخرج (عارف الطويل)

اللي قريته في احدى المواقع:

وصف المخرج السوري عارف الطويل مسلسل || أبـلــه نـــورة ||

بأنه يُعد التجربة الأولى خليجيا ...

التي تخوض في قصص واقعية لفتيات مراهقات من داخل المجتمع الإماراتي ...

ويكشف أسرارا جديدة من حياتهن.<---- ماشاء الله [/url]ياخير أسرار

اللي انا مستغربه منه والكل استغرب منه هو :

على أي أساس خلوا هالمسلسل إماراتي ويتكلم عن بنات الإمارات؟؟

يعني لا الكاتبة إماراتية

ولا المخرج إماراتي

ولا حتى الممثلين إماراتيين <--- ماعدا اثنين او ثلاثه منهم

ولا البطلة إماراتية

وحتى اللهجة مايخصها في الإمارات

والمصيبه إن العادات اللي في المسلسل دخيلة عالإمارات

فعلى أي أساس يتفلسفون ويقولون إنه يمثل حال المراهقات في الإمارات

إذا كانت الكاتبة كويتية ودرست في الكويت وكتبت القصه من خلال تجربتها في التدريس:

وقال الطويل "إن نص المسلسل للكاتبة الكويتية هبة مشاري حمادة، وهي

أساسا مدرسة كتبت العمل من خلال تجربتها مع البنات في بعض المدارس

الثانوية في الكويت".

يعني على أي أساس يقولون إماراتي

ويصورونه في مدرسة ويركزون على اسمها وتحية العلم والنشيد الوطني

شو الهدف من هذا كله؟؟...تشويـــــه

يعني يكفي إن أكثر الدول الخليجية والعربية ماخذين عنا فكرة سيئة وخاطئة

من قبل المسلسل لازم يعني يزيدون الطين بلة وبدال مايكحلونها يعمونها

يعني انا من كم سنة تعرفت على وحده سعودية تخيلن تسألني انتن تلبسن عباية

وشيلة يوم تطلعن برع!!! لهالدرجة يعني

وعقب المسلسل شو بيقولون عنا

هاي بصراحة سمعتنا ومانرضى حد يشوه صورتنا

أمثلة على بعض التشويهات في المسلسل:

داخل المدرسة انا ماانكر فيه حالات اخس عن جيه في المدارس ومن الطالبات

لكن ماتوصل ان البنت تطلع من بيتهم وهي عاقة الشيلة
اضغط على الشريط لمشاهدة الصورة بحجمها الطبيعي 1024x853px, 515KB

يمكن فيه فئة قليلة يسوون جيه بس في المسلسل الكل من هالنوعية

الزينة والشينة الصالحه والطالحة يطلعن وهن عاقات الشيل

حتى المديرة والمدرسات مربيات الأجيال !!



ظبية ودريولهم!!!

اضغط على الشريط لمشاهدة الصورة بحجمها الطبيعي 570x428px, 131KB

1-: بنية مواطنة(ظبية) ابوها يخلي شاب مواطن يوصلها المدرسة لروحهم

وين صارت هاي؟

2- مواطنة تشتغل بشكارة عند ناس؟؟ وولدها دريول؟؟<--- فحياتي ماشفت



بنقول يمكن يشتغلون عند الشيوخ بس هاي ماكان ابوها شيخ في المسلسل

كان غني فقط لاغير



3- وحدة من الطالبات كانت معرسة (ديما) وتدرس ويا البنات؟؟ كيف جيه؟؟

ومن متى المعرسات يدرسن مع البنات؟؟

اضغط على الشريط لمشاهدة الصورة بحجمها الطبيعي 510x344px, 89KB


-مدرسات يلبسن بناطلين مرصصة ويتحوطن في الدرسة فاتحات شعورهن؟؟

أنا فحياتي مامرت علي مدرسة بهالشكل!!

المدرسات دوم محتشمات بالكنادير او البدل المحتشمة وحتى المدرسات الوافدات

يلتزمن بقوانين المدرسة مب مثل ماهو ظاهر في المسلسل!!!

اضغط على الشريط لمشاهدة الصورة بحجمها الطبيعي 570x428px, 127KB

ياسلام عالمدرسات <--- بذمتكن جيه المدرسات المواطنات؟؟

اضغط على الشريط لمشاهدة الصورة بحجمها الطبيعي 504x346px, 102KB

- والمديرة ماشاء الله على المديرة (أبلة نورة) حدث ولا حرج خاطي اذا تذكرت الشيلة

وحطتها على راسها

وتظهر جدام أولياء الأمور بشعرها وجدام الناطور <--- ياعيني يالإماراتية



- الإماراتيات يطلعن برع لابسات عبي وحاطات الشيل عأكتافهن<--- ديكور بس



مب وحده او ثنتين ... كل اللي في المسلسل جيه

مايصير والله ممكن يكون فيه بنات من هالنوعية بس قليل جدا

وين البنات المحتشمات ؟؟ وين الغشوة؟؟

وين عاداتنا؟؟

وين قوانين المدرسة؟؟



أنا اللي أعرفه ان لبس الطالبات موحده واللي تلبس غير يخالفونها

مايخلونهن على هواهن يسون عرض ازياء كل وحده موديل!!


نحن في المدرسة يخالفوننا حتى عالشيلة لو فيها شغل بسيط لازم سادة

أما هالمسلسل بالرغم من انه فيه اشياء حلوة الا انهم افسدوه يوم انهم مسوينه أونه إماراتي

بدون ما يكونون ملمين بعادات وتقاليد وحشمة أهل الامارات

يعني بصراحه هالمسلسل بغوا يعالجون به مشاكل المراهقات

وفي المقابل شوهوا صورة مدرسات الإمارات <--- للأسف الشديد

كتبت هالموضوع من قهري وغيرتي على بنات بلادي





والسموحة منكن



ونصل إلى نهاية رسالة المواطنة المنقهرة وكلامها صحيح

-الله-يسامح-كل-من-اشتغل-ف-مسلسل-ابله-نوره/]. [/url]



منقول